Fréttir

Prófsýning fyrir sveinsprófin í rafvirkjun verður haldin fimmtudaginn 4. júlí á Akureyri og föstudaginn 5. júlí í Reykjavík.

Útskrift meistaranema, kvikmyndatækni og afhending sveinsbréfa í raf- og rafeindavirkjun voru afhend við hátíðlega athöfn á Hilton Reykjavík Nordica þann 25. maí sl.

Nýsveinar í rafvirkjun og rafeindavirkjun tóku við sveinsbréfum sínum í Hofi á Akureyri þann 17. maí 2024.

Nám í kvikmyndatækni býr nemendur undir fjölbreytt störf í heimi kvikmyndagerðar. Störfin sem um ræðir eru fjölmörg en í náminu verður einblínt á að kenna þau fög sem tengjast tækninni sjálfri, bæði við undirbúning, framkvæmd og eftirvinnslu kvikmyndaverks auk annarra tengdra greina.

Hér á landi hefur kvikmyndaiðnaðurinn vaxið gríðarlega síðustu árin og kvikmynda- og sjónvarpsgerð í örum vexti sem starfsgrein. Stúdíó Sýrland auglýsir nú í samvinnu við Rafmennt umsóknir til kvikmyndanáms.

Nú er mögulegt að skrá sig á námskeið í Meistaraskóla rafvirkja á haustönn 2024. Mikil aðsókn hefur verið í Meistaraskóla rafvirkja og hvetjum við alla sem hafa áhuga á meistaranáminu að skrá sig sem fyrst.

Að mati dómnefndar, þótti sýningarsvæði Rafmennt mjög svo lýsandi fyrir þeirra starf og fangaði sýningarrýmið athygli gesta strax. Sýningarmunir eru aðgengilegir og vel sýnilegir og höfða vel til markhópsins. Einnig var vel staðið að fræðslu og kynningarháttum og var það bersýnilegt að fulltrúar Rafmennt náðu að fræða og upplýsa sína gesti á skemmtilegan hátt.