Cisco Certified Network Associate - CCNA

Áfangaheiti: UPTÆ70CCNA

CCNA námskeiðið er hannað til að veita þátttakendum þekkingu og færni tengda grunnhugtökum netkerfa,
aðgengi að netkerfum, IP-þjónustum, grundvallaratriðum er varðar öryggi, sjálfvirkni og forritun þeirra.
Þetta námskeið hjálpar einnig þátttakendum að undirbúa sig fyrir CCNA 200-301 prófið ásamt því að öðlast nauðsynlega
þekkingu og færni til að geta skipulagt, hannað, stillt, hámarkað og leyst úr
algengum tengi vandamálum netkerfa tengdum TCP/IP, DNS, DHCP, STP, HSRP,
IP-samskiptareglum eins og RIPv2, OSPF, EIGRP, og BGP.  Enn fremur styður þetta
námskeið kennara og leiðbeinendur í kennslu á námsefni CCNA námskrárinnar.
Námið er líka undirbúningur fyrir próf í  200-301 CCNA - Cisco Certified Network Associate fyrir
þau sem hafa áhuga á ná þeirri gráðu.

Það sem þú munt læra:

• Grunnatriði netkerfa: Lærir um OSI- og TCP/IP-líkönin, IPv4, IPv6, IP-töluúthlutun og undirnet(subnet).
• Cisco búnaður: Kynnist notkun á Cisco beinum(router) og skiptum(switch) og lærir að stilla þessi tæki fyrir skilvirka netnotkun.
• Beinar(router): Lærir um stillingar og virkni helstu rútunar-ferla eins og RIP, EIGRP og OSPF.
• Skiptar(switch): Skilja VLAN, trönk, spanning-tree samskiptareglur (STP), Layer 2 skipta og fleira.
• Öryggi netkerfa: Innleiða grunnöryggisráðstafanir, þar á meðal ACLs, til að vernda netkerfi.
• Víðnet(WAN): Lærir að stilla og stýra WAN-tengingum, þar á meðal með PPP, xDSL og VPN.
• Greining vandamála: Kynnist notkun greiningartóla til að leysa vandamál með beinum og skiptum í litlum til meðalstórum netkerfum.
• Uppsetning: Hvernig skal setja upp grunnþjónustur fyrir net, eins og dhcp, nat og vpn.

Markmið:

• Nemendur munu að loknu námskeiði, þekkja og skilja uppbyggingu netkerfa og þau tæki og hugbúnað sem notaður er. 
• Nýtt sér undirnettækni(subneting) bæði á IPv4 og IPv6 netkerfum.
• Þekkja og skilgreina helstu samskiptastaðla, með áherslu á TCP og UDP.
• Hafa skilning á Layer-2 skiptum, sýndarnetum(VLAN), broadcast.
• Skilið rútunar-ferla.
• Bilanagreint einföld netkerfi.
• Uppsetning á grunnþjónustum í netkerfi.
• Uppsetning á beinum og skiptum með Cisco IOS-stýrikerfinu.
• Nýtt sér aðgengis-lista(access-list) til að stjórna netumferð.

Fyrir hverja er námskeiðið:

• Fagaðila í netkerfum sem vilja fá CCNA vottun.
• Byrjendur sem vilja ölast viðtæka þekkingu á uppbyggingu tölvukerfa.
• Nemendur í upplýsingatækni og byrjendur sem eru spenntir fyrir því að byggja upp starfsferil í netrekstri.
• Kerfisstjóra og sérfræðinga sem leita að dýpri skilningi á Cisco netkerfum.

Forkröfur:

• Þekking að íglildi CompTia Network+
• Grunnskilningur á netkerfishugtökum (t.d. IP-töluúthlutun, undirnet).
• Ekki er krafist fyrri reynslu af Cisco búnaði.

Kennt verður á þriðjudögum og fimmtudögum, frá kl 17:00 - 21:00, ásamt því að kennsla verður laugardagana 8.nóvember og 29.nóvember milli 10:00 -14:00. Námskeið er 8 vikur, alls 18 skipti. Kennslan samanstendur af fyrirlestrum og verklegum æfingum í Cisco Networking Academy. Kennslustundir verða teknar upp, þátttakendum gefst því kostur að rifja upp tíma, horfa á fyrirlestra sem þeir hafa misst af og jafnvel tekið hluta eða allt námið í fjarkennslu.

Fyrsti tími er 8. október 2025 og síðasti tímin er 29. nóvember 2025. Meðal námsgagna sem nemendur fá afhent er bókin "CCNA 200-301 Official Cert Guide Library" eftir Wendell Odom sem gefin er út af Cisco Press.

Kennari er Abdelaziz Ghazal viðurkenndur Cisco System Instructor. Abdelaziz er með eftirfrandi gráður frá Cisco: CCNA, CCNA Security, CCNP og Cisco Certified Internetworking Expert CCIE.

Athygli er vakin á því að stefnt er á námskeið í CCNP á vorönn 2026

Í umsóknarferlinu birtist RSÍ endurmenntunarverð námskeiða.

Fullt verð: 355.000 kr

SART: 285.000 kr

RSÍ endurmenntun: 125.000 kr

Áður en þú sendir inn umsóknina merkirðu við hvort þú tilheyrir öðrum verðflokkum og er verðinu breytt handvirkt skv. því í innrituninni.

Ef skráður þátttakandi hættir við að sitja námskeið þarf að tilkynna það skriflega í tölvupósti á netfangið rafmennt (hjá) rafmennt . is a.m.k. 48 klst. áður en námskeið hefst. Rafmennt áskilur sér rétt til að innheimta 3.000 kr. umsýslugjald.

Cisco CCNA 200-301 gráðan fæst með því standast próf frá Cisco. Hægt er að taka próf í hverri viku hjá viðkenndum prófstöðvum.