Afhending sveinsbréfa á Hilton Nordica

Nýsveinar í rafiðngreinum á Hilton Reykjavík Nordica 18. september.

Föstudaginn 18. september fór fram hátíðleg athöfn á Hilton Reykjavík Nordica þar sem 98 nýsveinum í rafiðngreinum voru afhent sveinsbréf. Skiptingin eftir greinum var eftirfarandi:

• 90 rafvirkjar
• 5 rafveituvirkjar
• 3 rafeindavirkjar

Alls ljúka 121 nýsveinar sveinsnámi í september. Síðari afhendingin fer fram í Hofi á Akureyri föstudaginn 25. september. Þar taka 19 rafvirkjar og 4 rafeindavirkjar við sveinsbréfum sínum.

Viðurkenningar fyrir framúrskarandi árangur

Við athöfnina voru veittar viðurkenningar fyrir góðan árangur á sveinsprófi.

Andri Reyr Haraldsson, formaður FÍR – Félags íslenskra rafvirkja, afhenti viðurkenningar fyrir hönd félagsins. Konráð Karl Kristjánsson hlaut viðurkenningu fyrir framúrskarandi árangur á skriflegu sveinsprófi í rafvirkjun. Alex Andri Jónsson hlaut viðurkenningu fyrir framúrskarandi árangur á verklegu prófi.

Ármann Guðmundsson, formaður Félags rafeindavirkja, afhenti viðurkenningar fyrir hönd félagsins. Xabier Þór Tejero Landa hlaut viðurkenningu fyrir framúrskarandi árangur bæði á skriflegu og verklegu sveinsprófi í rafeindavirkjun.

Pétur Hákon Halldórsson, formaður SART – Samtaka rafverktaka, afhenti viðurkenningar fyrir hönd samtakanna fyrir heildarárangur á sveinsprófi. Í rafvirkjun voru Arnar Flókason og Brynjar Snær Ísfeld Erlendsson hnífjafnir og hlutu því báðir viðurkenningu. Í rafeindavirkjun hlaut Xabier Þór Tejero Landa viðurkenninguna. Hann hlaut þar með allar þrjár viðurkenningarnar sem veittar voru í rafeindavirkjun.

Afhending sveinsbréfa er mikilvægur áfangi í námi fagfólks í rafiðnaði og markar formleg lok sveinsnáms. Rafmennt óskar öllum nýsveinum innilega til hamingju með áfangann og velfarnaðar í störfum sínum.

Myndir frá athöfninni má nálgast á Flickr-síðu Rafmenntar.