Fræðslu- og kynningarfundir

Fyrir 100 árum breytti iðnbyltingin lífi fólks í heiminum. Fyrir u.þ.b. 50 árum upplifðum við tölvubyltinguna sem einnig umbylti lífi heimsbyggðarinnar. Í dag gæti orkubyltingin verð á næsta leiti, sem mun breyta lífi fólks meira en allt annað til þessa. Þá munum við upplifa: Næg orka verður til staðar á lágu verði og með lítilli mengun. Háspennulínur hverfa þar sem orkan verður framleidd við hliðina á notandanum. Iðnfyrirtæki framleiða sína orku sjálf. Orkufrek tæki eins og bílar, eldavélar og tölvur verða seld með orkunni sem þau þurfa að nota á líftíma sínum.

Fyrirlestur um ljósleiðaralagnir í Bandaríkjunum síðastliðin 20 ár, hvaða breytingar hafa átt sér stað og hver er framtíðarstefna þeirra sem starfa við ljósleiðaraþjónustu þar í landi. Einnig er fjallað um viðhald ljósleiðarakerfa.

Hvað er "The Internet of Things" Áður en langt um líður verða flestir ef ekki allir hlutir á heimilum, í vinnu, skóla eða samgöngutækjum tengdir Netinu. Bylting sem nefnist Internet of Things (IoT) er ekki fjarlægur vísindaskáldskapur heldur bláköld staðreynd. Sérfræðingar frá Nýherja annast kynningu á þessari byltingarkenndu tækni.

Kvöldfyrirlestur miðvikudaginn 24.febrúar - Raspberry Pi, PIC-örtölvur, Iðntölvur ? Fyrirlestur um tölvurásir fyrir rafeindastýringar o.fl. Samanburður á mismunandi lausnum sem bjóðast fyrir þessa tækni. Hvernig veljum við hagkvæmustu lausnina? Hvaða mismunur er á milli Raspberry Pi tölvu og PIC-örtölvu?

Hvað eru norðurljósin? Hvers vegna myndast eldingar? Hvaða kraftur stýrir áttavitanum? Eru rafsegilbylgjur í náttúrunni?

Johan Rönning sér um kynningarfundinn fyrir okkur að þessu sinni. Fjallað er um hleðslutæki fyrir rafbíla og hvernig ganga skal frá tengingu hleðslutækja í bílageymslum eða úti á plani. Starfsmenn Johan Rönning hafa sérhæft sig á þessu sviði og munu jafnhliða því að fræða okkur um þessi mál, kynna fyrir okkur raflagnaefni til þessara nota.

Flutningskerfi Landsnets fyrir raforku hefur verið mjög mikið í umræðunni að undanförnu. Á þessum kynningarfundi er leitast við að gera grein fyrir kostum og göllum mismunandi flutningsaðferða. Fjallað er um málið fyrst og fremst út frá tæknilegu sjónarmiðið.

Fyrirlesturinn fjallar um helstu þætti sem líta ber til þegar hugað er að vali á varmadælu. Um þrjár megingerðir af varmadælum er að ræða. Þ.e.: Jarðvarmadælur Loft í vatn varmadælur Loft í loft varmadælur

Tækjabúnaður Landspítalans hefur mikið verið til umræðu á undanförnum vikum og mánuðum. Rafiðnaðarskólinn býður nú upp á stuttan kvöldfyrirlestur um yfirlit yfir lækningatæki á Landspítalanum og þá tækni, sem þau byggja á. Fyrirlesari er Gísli Georgsson verkfr./eðlisfr. - Umsjónarmaður viðhalds lækningatækja hjá Heilbrigðistæknideild Landspítala-háskólasjúkrahúss.