Fréttir

Raunfærnimat í rafiðngreinum miðar við þarfir einstaklinga sem hafa af einhverjum ástæðum ekki lokið því námi sem þeir hófu í rafvirkjun, rafvélavirkjun, rafveituvirkjun eða rafeindavirkjun. Greina stöðu þeirra, meta færni og gefa þeim kost á að ljúka því iðnnámi sem þeir hófu á sínum tíma. Metin er samanlögð færni sem einstaklingur hefur náð með ýmsum hætti, s.s. starfsreynslu, starfsnámi, frístundanámi, skólanámi, námskeiðum og félagsstörfum. Þátttakendur eiga þess kost að láta meta færni sem þeir hafa aflað sér utan skólakerfisins með raunfærnimati. Kynningarfundur verður mánudaginn 26. ágúst kl. 17:00 að Stórhöfða 27, 1. hæð í húsnæði Rafmenntar (gengið inn Grafarvogsmegin).

Rafmagnsfræði MRAF3MS02 Undirbúningur Þar sem áfangar Reglugerðar og rafdreifikerfa hafa þótt krefjandi, bjóðum við uppá þennan undirbúnings áfanga fyrir þá sem vilja, þann 22 – 24.ágúst. Hér geti þið skráð ykkur í áfangann https://umsokn.inna.is/#!/chooseSchool

Þrír nýir starfsmenn hafa verið ráðnir hjá RAFMENNT og hófu störf 7. ágúst sl. Þau eru Alma Sif Kristjánsdóttir, Jón Kjartan Kristinsson og Ómar Rósenberg Erlingsson Við bjóðum þau velkomin til starfa

Nú er starfsfólk RAFMENNTAR farið í sumarfrí og því er skrifstofan lokuð dagana 22. júlí til 6. ágúst. Opnum aftur miðvikudaginn 7. ágúst kl. 9.

Opnað hefur verið fyrir umsóknir um nám í meistaraskóla rafiðna fyrir haustönn 2019. Skráningin fer fram í gegnum INNU.

Prófasýning vegna sveinsprófa, sem haldin voru í Reykjavík og á Akureyri í byrjun júní, verður haldin föstudaginn 28. júní í Reykjavík og laugardaginn 29. júní á Akureyri.

Þá er sveinsprófin komin í gang en þau standa yfir dagana 3.-14. júní. Í þetta sinn þreyta 80 verðandi rafvirkjar og 3 verðandi rafveituvirkjar prófin í Reykjavík og á Akureyri eru 15 verðandi rafvirkjar í sveinsprófum.

Afhending sveinsbréfa í rafvirkjun og rafeindavirkjun fór fram föstudaginn 24. maí sl. í Hofi á Akureyri kl. 17:15-18:30.

Í dag, mánudaginn 27. maí, undirritaði framkvæmdastjóri RAFMENNTAR, Þór Pálsson, viljayfirlýsingu um samstarf um að efla og kynna háskólanám með atvinnutengd lokamarkmið, eftir iðnnám og aðra starfsmenntun. Fulltrúar Háskólans í Reykjavík, Samtaka iðnaðarins, Tækniskólans, Iðunnar fræðsluseturs og RAFMENNTAR undirrituðu samkomulagið að viðstaddri Lilju Dögg Alfreðsdóttur, mennta- og menningarmálaráðherra.

Afhending sveinsbréfa í rafvirkjun og rafeindavirkjun fór fram laugardaginn 18. maí sl. á Hótel Natura kl 16:00-17:30.