Rafmennt á Verk og Vit 2026

3. sæti á Verk og Vit 2026 – Rúnar Sigurjónsson og Ingi Bekk taka við verðlaunum.

Rafmennt á Verk og Vit 2026 

Rafmennt tók þátt í stórsýningunni Verk og Vit 2026 sem haldin var í Laugardalshöll dagana 19.–22. mars. Sýningin er einn mikilvægasti vettvangur fagaðila í byggingariðnaði og tengdum greinum þar sem um 100 sýnendur kynna nýjungar, lausnir og þjónustu. 

Mikil aðsókn var á sýninguna og fjölbreyttur hópur gesta lagði leið sína á svæðið, bæði fagfólk og almenningur. Á bás Rafmenntar var lögð áhersla á að kynna fjölbreytt námsframboð, tækifæri til starfsþróunar og framtíð raf- og tækniiðnaðarins.

3. sæti í sýningarverðlaunum

Bás Rafmenntar vakti verðskuldaða athygli á sýningunni og endaði í 3. sæti á sýningarverðlaunum Verk og Vit 2026.

Sýningarverðlaunin eru veitt fyrir framúrskarandi framsetningu, hönnun og upplifun gesta, en samkeppnin er hörð þar sem margir öflugir sýnendur taka þátt á hverri sýningu. 

Mikilvægur vettvangur fyrir tengslamyndun

Verk og Vit hefur á undanförnum árum fest sig í sessi sem lykilviðburður fyrir iðnaðinn þar sem tengslamyndun, samstarf og ný tækifæri verða til. 

Þátttaka Rafmenntar í sýningunni er mikilvægur liður í því að kynna menntun og færniþróun í rafiðnaði og styðja við framtíð greinarinnar.

Rafmennt þakkar öllum þeim sem heimsóttu básinn kærlega fyrir komuna og áhugann – og hlakkar til að taka þátt á næstu sýningu.