Í þessum námskeiðum er fjallað um helstu atriði sem nýtast vinnuveitendum í starfsmanna- og vinnuréttarmálum. Áhersla er lögð á að draga úr eða koma í veg fyrir ágreining við starfsmenn og um leið að nýta reglur vinnuréttar til þess að bæta rekstur og gera vinnustaðinn eftirsóknarverðan.

Einnig er áhersla lögð á að kynna nemendum skipulag á íslenskum vinnumarkaði og bent á hagnýtar, gagnlegar og raunhæfar leiðir til þess að komast hjá ágreiningi og skýra réttarsamband aðila. Þar skipta skilningur og skipulag vinnuveitanda miklu máli. Sérstaklega er fjallað um raunveruleg dæmi um ágreiningsefni á vinnustöðum og hvernig megi draga úr eða koma í veg fyrir slík ágreiningsmál.

Námskeiðið er í þremur hlutum sem saman gefa heildarmynd af þeim verkefnum sem stjórnendum og starfsmönnum sem koma að starfsmannamálum og launamálum ber að hafa í huga.

Námskeið 1 – Almennt um vinnurétt

• Almennt um vinnurétt
• Almennur og opinber vinnumarkaður
• Atvinnurekendasamtök og stéttarfélög
• Réttarheimildir og lögskýringargögn í vinnurétti
• Túlkun kjarasamninga
• Dæmi um að nýta sér vinnurétt við stjórnun

Námskeið 2 – Ráðningar og skipulag starfsmannamála

• Ráðningar og skipulag starfsmannamála
• Ráðningarsamningar, efni og uppsetning
• Efni ráðningarsamninga
• Reglur á vinnustað
• Nánar um laun og launabreytingar
• Önnur ákvæði ráðningarsamnings
• Réttarheimildir og lögskýringargögn á vinnustaðnum

Námskeið 3 – Starfslok

• Almennt um starfslok
• Uppsagnarréttur og uppsögn
• Framkvæmd uppsagnar
• Uppsagnarfrestur og vinna á uppsagnarfresti
• Tilefni uppsagnar
• Takmarkanir á uppsagnarrétti
• Afturköllun uppsagnar
• Uppsögn að hluta/breyting
• Riftun ráðningarsamnings

Námskeiðið hentar þeim sem koma að starfsmannamálum, stjórnunarhlutverki eða daglegum samskiptum og ákvörðunum á vinnustað. Námskeiðið er hagnýtt og byggir á raunverulegum dæmum um ágreiningsefni á vinnustöðum.

Námskeiðin eru á stafrænu formi sem gerir þátttakendum kleift að fara yfir efnið á þeim tíma sem hentar þeim.

Efni námskeiðanna er aðgengilegt í gegnum kennslukerfi Opna háskólans í HR.