Námskeiðslýsing

Námskeiðið er sett saman til að veita þér innsýn og grunnþekkingu sem þarf til að stýra flóknum verkefnum á skilvirkan og faglegan hátt – allt frá fyrstu hugmynd að afhendingu og uppgjöri. Á námskeiðinu kynnumst við lykilverkfærum eins og heilaga þríhyrningnum (scope–time–cost), Gantt- og WBS-uppsetningum, áhættumati og breytingastjórnun sem tryggja fullkomna yfirsýn og stöðugan framgang verkefna til að hámarka nýtingu tíma og peninga.

Með raunhæfum dæmum úr viðburðageiranum og alþjóðlega gæðastaðla til hliðsjónar (IPMA, PMI, PRINCE2, Agile/Scrum) lærir þú hvernig á að virkja teymi, efla opið samskiptaumhverfi og hámarka sköpunarkraft í tæknilega krefjandi og kviku umhverfi. Við förum yfir mikilværi væntingastjórnunar ásamt teymismyndanir og annmarka þeirra og skoðum hvernig við getum verið hvetjandi en agaðir leiðtogar í senn.

Í hópverkefnum og verkefnaæfingum færðu svo tækifæri til að æfa þig í hverju skrefi með leiðsögn – frá undirbúningi fyrstu hugmyndar og skipulagi tímaáætlunar, yfir í framkvæmd og lokafrágang.

Þekkingarviðmið

  • Skilningur á verkefnastjórnun – Nemandi getur útskýrt hvað felst í verkefni og verkefnastjórnun, þar á meðal helstu takmarkanir (tími, kostnaður, umfang) og tilgang verkefna í samhengi við virðisaukasköpun.
  • Hæfni í áætlunargerð og þarfagreiningu – Nemandi getur greint þarfir og sett fram tíma- og kostnaðaráætlanir, skilgreint „scope“ verkefna og unnið með algeng verkfæri úr kerfum eins og IPMA.
  • Færni í teymisvinnu og leiðtogahæfni – Nemandi getur lýst einkennum góðra og slakra teyma, skipulagt verkefnateymi með tilliti til þarfagreiningar og tilætlaðs árangurs.
  • Að beita árangursríkum samskiptaleiðum – Nemandi þekkir mismunandi samskiptamynstur, getur metið áhrif þeirra á framvindu verkefna og tileinkað sér ákveðna og árangursmiðaða samskiptahætti.
  • Framkvæmd og eftirfylgni verkefna – Nemandi getur stýrt framvindu verkefna, fylgst með vörðum og árangursmælikvörðum og brugðist við frávikum með markvissum hætti.
  • Lok, greining og lærdómur – Nemandi getur unnið uppgjör, metið árangur og dregið lærdóm úr verkefnum til að bæta vinnulag og ferla í framtíðinni.

 

Leikniviðmið

  • Uppbygging og eðli verkefna
  • Mat og áætlanagerð
  • Nálgun teymismyndunar og samskipti
  • Vörður og eftirfylgni.

Námsmat

Námskeiðið endar með lokaverkefni til endurgjafar með staðfestingu á námskeiðslokum.

Upplýsingar

Kennari á námskeiðinu er G. Orri Rósenkranz verkefnastjóri sem hefur áralanga reynslu af tæknilegri hönnun, skipulagningu og verkefnastjórn viðburða af öllum stærðum og gerðum.

Í umsóknarferlinu birtist RSÍ endurmenntunarverð námskeiða.

Fullt verð: 31.200.- kr

RSÍ Endurmenntun: 10.920.- kr

Skrái þátttakandi sig af námskeiði með minna en 2 vikna fyrirvara áskilur Rafmennt sér rétt til innheimtu 50% námskeiðsgjalds.

Áður en þú sendir inn umsóknina merkirðu við hvort þú tilheyrir öðrum verðflokkum og er verðinu breytt handvirkt skv. því í innrituninni

Flokkar: Tæknifólk
Heiti námskeiðs Dags. Kennarar Tími Staðsetning RSÍ endurmenntun Skráning
Tæknileg verkefnastjórnun viðburða 23. sep 2025 - 24. sep 2025 09:00 - 12:30 Stórhöfði 27 10.920 kr. Skráning
Til baka