Hugmyndaforritun með gervigreind

Námskeiðið hentar öllum sem vilja nýta gervigreind til að breyta hugmynd í virkt smáforrit – óháð fyrri reynslu af forritun. Hvort sem verkefnið tengist starfi, áhugamáli eða persónulegri þörf, færð þú þekkingu og verkfæri til að þróa eigin hugmynd áfram.

• Hvernig gervigreind (LLM) vinnur og hverjir styrkleikar hennar og takmarkanir eru
• Að byggja fyrstu útgáfu af smáforriti með gervigreind
• Að bæta og þróa forritið með markvissum leiðbeiningum (promptum)
• Að nota gervigreind við villuleit
• Að nota GitHub til að vista og halda utan um verkefnið

Námskeiðið er kennt í tveimur fjögurra klukkustunda lotum. Fyrst vinna allir með vel skilgreint verkefni sem byggt er upp skref fyrir skref. Að því loknu geta þátttakendur aðlagað lausnina að eigin hugmynd. Þannig öðlast allir raunhæfa lokaafurð sem hægt er að þróa áfram eftir námskeiðið.

• Fartölva (Rafmennt getur útvegað fartölvu ef óskað er)
• Virkur Codex-aðgangur sem hefur verið prófaður fyrir námskeið
• GitHub-aðgangur
• Almenn tölvufærni
• Grunnþekking í ensku til að lesa leiðbeiningar og skilaboð frá gervigreind

Þú ferð heim með virkt smáforrit sem þú hefur sjálf/ur byggt, prófað og þróað með aðstoð gervigreindar – og veist hvernig þú getur haldið áfram að þróa það eftir námskeiðið.

Stefán Gunnarsson, BSc í tölvunarfræði, sér um námskeiðið. Hann hefur yfir áratuga reynslu af hugbúnaðarþróun og rekstri hugbúnaðarfyrirtækis. Á síðustu árum hefur hann sérhæft sig í innleiðingu og hagnýtingu gervigreindar í hugbúnaðarþróun og skrifar reglulega um þau málefni. Á námskeiðinu byggir hann á hagnýtri reynslu af þróun hugbúnaðar með gervigreind og Hugmyndaforritun (Vibe Coding).