Námskeiðið er unnið í samstarfi við Trickshot, leiðandi fyrirtæki í klippingu og eftirvinnslu á kvikmyndum og sjónvarpsefni. Kennarar námskeiðsins eru þeir Bjarki Guðjónsson (CSI), Luis Ascanio (CSI) og Eggert Baldvinsson (CSI) sem hafa unnið ógrinni af innlendum og erlendum verkefnum en þar má nefna meðal annars: Vaka, Danska Konan, Hildur, King & Conqueror, Vigdís, Felix og Klara, Touch, Iceguys, Draumahöllin, Á ferð með mömmu, Ljósbrot, Villibráð og The Darkness.
Námskeiðið gefur nemendum tækifæri á að taka verkefni sem á að vinna myndlega í DaVinci Resolve hugbúnaðnum frá læstu klippi að skilum. Áhersla verður lögð á að skilja verklag og ferla ásamt litvinnslu og lokafrágangi, allt frá klippi til lokaútkomu.
Nemendum mun einnig bjóðast að fara í heimsókn til Trickshot, þar sem hægt er að sjá starfsumhverfið og tækjakostinn sem unnið er á.
Þekkingarviðmið
  • Læra að taka við hráu klippi og setja saman með hráefni
  • Kunna að skila skrám til viðeigandi samstarfsaðila í eftirvinnsluferli
  • Litvinnsla á myndefni
  • Lokaskil á verkefnum
Leikniviðmið
  • Að geta tekið við klippi og tengt saman við rétt hráefni til áframhaldandi vinnslu.
  • Að geta skilað af sér réttum skrám á viðeigandi formi til samstarfsaðila.
  • Að geta litunnið hráefni svo að útlitið sé samfellt og mæti kröfum viðskiptavinar.
  • Að geta skilað af sér lokaafurð á réttu formi eftir kröfum verkefnis.

 

Gert er ráð fyrir að þátttakendur hafi grunnþekkingu á klippingu og eftirvinnslu myndefnis þar sem hér er ekki um að ræða grunnnámskeið í efninu.

 

Mikilvægar upplýsingar

Nemendur mæta með eigin fartölvur með Davinci Resolve uppsettu á.

Á námskeiðinu verður notast við grading panela fyrir Resolve en takmarkað magn af þeim er í boði til láns. Því viljum við hvetja nemendur sem eiga slíkan búnað að mæta með hann til eigin nota til að gefa fleiri umsækjendum tækifæri til að fá sæti á námskeiðinu. Biðjum við því vinsamlegast um að þeir nemendur sem ætla sér að mæta með eigin panel tilkynni það til taekni@rafmennt.is.

Hafi nemendur áhuga á að fjárfesta í slíkum búnaði býðst þeim Blackmagic Design DaVinci Micro Color Panel frá Ofar á sérkjörum. Upplýsingar um kjörin fást í gegnum tölvupóstfangið hér að ofan eftir að umsókn hefur verið send inn.

Um Trickshot

Trickshot er íslenskt eftirvinnslufyrirtæki sem sérhæfir sig í litgreiningu, klippingu, hljóðvinnslu, sjónbrellum (VFX) og motion graphics fyrir kvikmyndir, sjónvarpsefni, auglýsingar, heimildarmyndir og tónlistarmyndbönd. Fyrirtækið vinnur náið með framleiðslufyrirtækjum og auglýsingastofum að bæði innlendum og alþjóðlegum verkefnum og leggur áherslu á tæknileg gæði, skapandi nálgun og traust samstarf í gegnum allt eftirvinnsluferlið.

 

Dagskrá

Dagur 1 - 22. september - Rafmennt / Stórhöfði 27
  • Kynning
  • Color management og stillingar
  • Conform (hljóð og mynd)
  • Export fyrir hljóð og VFX (VFX workflow tekið fyrir)
  • Q&A
Dagur 2 - 23. september - Trickshot / Jöfurbás 4
  • Heimsókn í Trickshot
Dagur 3 - 24. september - Rafmennt / Stórhöfði 27
  • Litvinnsla / Grading
  • Q&A
Dagur 4 - 29. september - Rafmennt / Stórhöfði 27
  • Audio management (bussing)
  • Formats
  • Master útkeyrslur
  • Q&A

 

 

 

 

 

 

Í umsóknarferlinu birtist RSÍ endurmenntunarverð námskeiða.

Fullt verð: 75.500.- kr

SART verð: 60.400.- kr

RSÍ Endurmenntun: 30.425.- kr

Skrái þátttakandi sig af námskeiði með minna en 2 vikna fyrirvara áskilur Rafmennt sér rétt til innheimtu 50% námskeiðsgjalds.

Áður en þú sendir inn umsóknina merkirðu við hvort þú tilheyrir öðrum verðflokkum og er verðinu breytt handvirkt skv. því í innrituninni

Flokkar: Tæknifólk Almenn námskeið
Heiti námskeiðs Dags. Kennarar Tími Staðsetning RSÍ endurmenntun Skráning
Rafmennt x Trickshot - Davinci Resolve - Klipp til afhendingar 22. sep. 2026 - 29. sep. 2026 Rafmennt ehf. 08:30 - 16:00 30.425 kr. Skráning
Til baka