CompTIA Linux+ - Inngangur að Linux-stýrikerfum

Áfangaheiti: UPTÆ40LINUX-TIA

CompTIA Linux+ – Fagleg færni í opnum stýrikerfum

Þetta hagnýta námskeið er ætlað öllum sem vilja öðlast traustan grunn í Linux stýrikerfum og undirbúa sig fyrir alþjóðlega viðurkennda CompTIA Linux+ vottun. Námskeiðið hentar bæði þeim sem eru að stíga sín fyrstu skref í Linux og þeim sem vilja dýpka færni sína til að vinna við kerfisstjórn og rekstur opinna stýrikerfa.

Markmiðið er að nemendur öðlist djúpan skilning á uppsetningu, stillingum og notkun Linux-stýrikerfa – bæði á skjáborði og netþjónum. Farið er yfir skipanalínu (shell), skráarstjórnun, notendastýringu, netstillingar, kerfisöryggi, hugbúnaðarstýringu og sjálfvirkni í rekstri. Námskeiðið er jafnframt góð undirstaða fyrir starf í DevOps, kerfisrekstri og skýjaumhverfi.

Eftir námskeiðið ættu nemendur að:

• Skilja uppbyggingu og grunnvirkni Linux-stýrikerfa

• Vera færir um að setja upp og stilla Linux kerfi, bæði netþjóna og vinnustöðvar

• Nota skipanalínu til að stjórna skrám, ferlum, heimildum og hugbúnaði

• Skilja hvernig notendur, hópar og réttindi eru stjórnuð í Linux

• Þekkja öryggistól og leiðir til að verja kerfi gegn ógnunum

• Geta skrifað einfaldar skriptur og stilla sjálfvirkni

• Setja upp þjónustur og framkvæma bilanagreiningu í daglegum rekstri

Kennsluaðferðir og áherslur

Námskeiðið byggir á fyrirlestrum, verkefnum og verklegum æfingum í Linux hermum. Unnið er með raunveruleg dæmi sem tengjast daglegum rekstri og netumhverfi. Notast er við viðurkenndar enskar kennslubækur og opin Linux-umhverfi. Kennt er af reyndum sérfræðingi með reynslu af Linux-rekstri í atvinnulífinu.

Kennt verður á mánudögum og þriðjudögum, frá kl 17:00 - 21:00, á. Námskeiðið er 5 vikur, alls 10 skipti. Kennslan samanstendur af fyrirlestrum og verklegum æfingum frá CompTia. Kennslustundir verða teknar upp, þátttakendum gefst því kostur að rifja upp tíma, horfa á fyrirlestra sem þeir hafa misst af og jafnvel tekið hluta eða allt námið í fjarkennslu.

Fyrsti tími er 20. september 2025 og síðasti tímin er 29. október 2025. Meðal námsgagna sem nemendur fá afhent er bókin "CompTIA Linux+ Study Guide: Exam XK0-006" eftir Richard Bloom.

Forkröfur: Almenn tölvufærni og grunnskilningur á tölvukerfum (reynsla af skipanalínu er kostur en ekki krafa)
Lengd námskeiðs: 40

Í umsóknarferlinu birtist RSÍ endurmenntunarverð námskeiða.

Fullt verð: 160.000 -

SART: 135.000.-

RSÍ Endurmenntun: 55.000.-

Áður en þú sendir inn umsóknina merkirðu við hvort þú tilheyrir öðrum verðflokkum og er verðinu breytt handvirkt skv. því í innrituninni.