After Effects - Hreyfihönnun frá A-Ö

Fyrir hverja:

Námskeiðið er ætlað prentsmiðum, grafískum hönnuðum og öllum sem starfa í tengdum greinum innan prentiðnaðar og hönnunar. Einnig hentar það þeim sem vilja bæta við sig þekkingu og færni í hreyfihönnun og markaðsmiðlun á stafrænum vettvangi.

Markmið:

Markmið námskeiðsins er að þátttakendur læri að hanna og framleiða einfaldar hreyfimyndir sem fanga athygli og nýtast í markaðsstarfi fyrirtækja eða fjölmiðlum.

Þátttakendur öðlast grunnfærni í notkun Adobe After Effects og fá innsýn í hvernig nýta má önnur forrit, svo sem Figma, við gerð hreyfihönnunar – til dæmis fyrir vefborða og auglýsingar.

Á námskeiðinu verður fjallað um:

• Grunnatriði í hreyfihönnun og uppbyggingu hreyfimynda
• Notkun og viðmót Adobe After Effects
• Samspil texta, myndar og hljóðs í hreyfihönnun
• Hagnýtar æfingar í gerð einfaldra markaðsmynda og vefborða
• Möguleika í Figma og tengingu við hreyfihönnun
• Ábendingar um góð vinnubrögð í framleiðslu og miðlun efnis

Að loknu námskeiði á nemandi að:

• Geta hannað og framleitt einfaldar hreyfimyndir í After Effects
• Þekkja helstu verkfæri og vinnuferla forritsins
• Skilja hvernig nýta má hreyfihönnun í markaðsstarfi og stafrænum miðlum
• Hafa lagt góðan grunn að frekari þróun í hreyfihönnun og skapandi vinnu með stafrænu efni

Aðrar upplýsingar:

Kennari á námskeiðinu er Steinar Júlíusson, reynslumikill og farsæll hreyfihönnuður.

Hann hefur starfað fyrir H&M, Acne Stockholm, Unicef á Íslandi, Borgarleikhúsið og Absolut Vodka, auk þess að hafa kennt við Listaháskóla Íslands og hinn virta Berghs School of Communication í Stokkhólmi.

Þeir sem taka þátt í fjarnámi þurfa að hafa aðgang að Adobe After Effects á eigin tölvu.