Raunfærnimat

Hvað er raunfærnimat?

Raunfærnimat er skipulagt ferli þar sem lagt er formlegt mat á alhliða þekkingu og færni einstaklings sem hann hefur aflað sér með ýmsum hætti utan hefðbundins skólakerfis, s.s. með starfsreynslu, starfsnámi, frístundanámi, námskeiðum, félagsstörfum og lífsreynslu (sjá reglugerð um framhaldsfræðslu 12.gr.). Raunfærnimatið gengur út á að greina stöðu þátttakenda, meta færni og gefa þeim kost á að ljúka því iðnnámi sem þeir hófu á sínum tíma.

Algengast er að raunfærnimat fari fram á móti námskrá en nú hefur verið unnið að því að skilgreina hvaða færnikröfur fólk í tæknigreinum þarf að uppfylla í starfi sínu og meta raunfærni þess á móti starfslýsingu. Nú liggja þessi færniviðmið fyrir og býðst þeim sem hafa starfsreynslu úr hljóðvinnslu og viðburðalýsingu að fara í raunfærnimat á móti þeim.

Þátttökuskilyrði:

• Lágmarks skilyrði fyrir mat á 3. þrepi eru að vera amk 23 ára og með þriggja ára starfsreynsla í greininni.
• Viðbótar skilyrði fyrir mat á 4. þrepi eru að vera amk 25 ára og með fimm ára starfsreynsla í greininni.

Viltu bætast í hóp þeirra rúmlega 500 einstaklinga sem hafa lokið raunfærnimati í iðngreinum? Ef þú uppfyllir ofangreind skilyrði þ.e. hefur starfað í rafiðnaði eða við upptökur, hljóðvinnslu og mögnun eða við viðburðalýsingar utandyra, í leikhúsum og sjónvarpi, þá er þetta eitthvað fyrir þig.

Raunfærnimat eftir greinum:

• Ertu í stuði? Raunfærnimat í rafiðngreinum.
• Ertu í hljóði? Raunfærnimat í  hljóðvinnslu.
• Ertu í ljósi? Raunfærnimat í viðburðalýsingu.

Nánari upplýsingar:

• Lög og reglugerð um framhaldsfræðslu.
• Bæklingur (Fræðslumiðstöð atvinnulífsins).
• Kynningarmyndband um raunfærnimat (Fræðslumiðstöð atvinnulífsins).

Hvað kostar raunfærnimat:

Þátttakendur sem ekki hafa lokið námi á framhaldsskólastigi geta farið í raunfærnimat sér að kostnaðarlausu.