Raunfærnimat
Raunfærnimat er formlegt mat á þekkingu og færni sem þú hefur aflað þér utan skóla – með starfsreynslu, starfsnámi, námskeiðum, félagsstörfum og lífsreynslu. Matið greinir hvar þú stendur, metur færnina til eininga og gefur þér kost á að ljúka iðnnáminu sem þú hófst á sínum tíma. Rúmlega 500 manns hafa lokið raunfærnimati í iðngreinum hjá Rafmennt.
Hvernig er ferlið
- Umsókn á Innu
Þú sækir um rafrænt á Innu á umsóknarfresti.
- Kynningarfundur
Eftir að umsóknarfresti lýkur eru verkefni ferlisins kynnt á fundi á Teams. Dagsetningar eru í dagskrá haustsins.
- Færnimappa
Þú bókar fund með náms- og starfsráðgjafa, sem aðstoðar þig við færnimöppuna, fyllir hana út og skilar á Innu.
- Gátlisti – sjálfsmat
Á gátlistafundi er farið yfir gerð gátlista fyrir sjálfsmat. Þú metur eigin færni, skilar á Innu og ferð yfir sjálfsmatið með fræðslufulltrúa.
- Matsviðtöl
Metendur – fagaðilar í greininni – boða þig í viðtöl. Þar kemur þú þekkingu þinni og færni á framfæri og getur verið beðin/n að sýna hana eða vinna úr lýsingum á aðstæðum. Náms- og starfsráðgjafi getur setið viðtölin þegar það á við.
- Niðurstöður og næstu skref
Niðurstöður eru skráðar á Innu. Þú getur bókað tíma hjá náms- og starfsráðgjafa sem fer yfir þær með þér og ræðir næstu skref.
Ítarlegri lýsing á hverju skrefi, matsviðtölunum og lokamarkmiðum eftir greinum: Raunfærnimatsferlið →
Við fylgjum þér í gegnum allt ferlið
- Alma Sif KristjánsdóttirVerkefnastjóri ráðgjafar og raunfærnimatsalmasif@rafmennt.is540 0171
- Ingi BekkVerkefnastjóri miðlunar, tækni og skapandi greinaingi@rafmennt.is540 0169


