Öryggistrúnaðarmenn og -verðir

Námskeið í samstarfi við Vinnuverndarnámskeið ehf.

Áfangaheiti: ÖRYG06TRÚN

Námskeiðið fer bæði fram í fjarnámi og útsendingu gegnum Teams. Viku fyrir námskeiðið fá þátttakendur senda fyrirlestra og verkefni sem þeir skoða áður en námskeiðið er klárað í fjarfundi í Teams.

Á fjarfundinum eru rifjuð upp aðalatriði námskeiðsins og farið yfir verkefni námskeiðsins. Einnig verða lögð fyrir raunhæf verkefni í útsendingunni.

Hvað er hlutverk öryggistrúnaðarmanna, öryggisvarða og öryggisnefnda á vinnustöðum.

Vinnuverndarlögin og reglugerðir um vinnuverndarmál eru kynnt. Farið er yfir hlutverk öryggistrúnaðarmanna, öryggisvarða og öryggisnefnda á vinnustöðum. Farið er yfir helstu málaflokka vinnuverndarinnar, s.s. líkamsbeitingu, efni og inniloft, vélar og tæki, umhverfisþætti eins og t.d. hávaða og lýsingu og sálfélagslegt vinnuumhverfi, einelti og áreitni. Farið er ítarlega yfir áhættumat starfa en það er helsta hlutverk öryggistrúnaðarmanna og öryggisverða að framkvæma það og fylgja því eftir.

Í umsóknarferlinu birtist RSÍ endurmenntunarverð námskeiða.

Áður en þú sendir inn umsóknina merkirðu við hvort þú tilheyrir öðrum verðflokkum og er verðinu breytt handvirkt skv. því í innrituninni