Námskeið í samstarfi við Vinnuverndarnámskeið ehf.
Áfangaheiti: VINN80GRUNN
Grunnnámskeið vinnuvéla er stundum kallað “Stóra námskeiðið”. Námskeiðið veitir bókleg réttindi á allar stærðir og gerðir vinnuvéla sem eru réttindaskyldar á Íslandi. Íslensk réttindi eru viðurkennd víðast hvar í Evrópu.
Námskeiðið fer 99% fram í fjarnámi, aðeins lokaprófið er í kennslustofu hjá Vinnuverndarskólanum, á vinnustöðum eða í fjarnámsmiðstöð eftir samkomulagi.
Allir sem eru orðnir 16 ára geta tekið námskeiðið en til að fá fullgild vinnuvélaréttindi verður viðkomandi að vera orðinn 17 ára og hafa bílpróf.
Þátttakendur geta byrjað á námskeiðinu þegar þeir vilja og lært þegar þeir vilja og hægt er að horfa á námsefnið eins oft og hver vill. Einnig er hægt að leysa verkefni eins oft og hver vill.
Námskeiðið byggist á stuttum fyrirlestrum, ítarefni, verkefnum sem eru krossaspurningar og krossaprófum. Það þarf að leysa verkefnin og standast prófin til geta haldið áfram á námskeiðinu.
Að námskeiðinu loknu geta þátttakendur hafið verklegt nám á allar gerðir réttindaskyldra vinnuvéla undir leiðsögn leiðbeinanda sem hefur kennsluréttindi. Að verklegri þjálfun lokinni er óskað eftir prófdómara frá Vinnueftirlitinu. Vinnueftirlitið gefur út vinnuvélaskírteini. Öll verkleg þjálfun og próf fara fram á vinnustöðum.
Skólinn hvetur nemendur til að halda sig að náminu og ljúka að jafnaði 1-4 köflum á dag.
Bókleg lokapróf eru haldin einu sinni í mánuði í Rafmennt Stórhöfða 27, 110 Reykjavík.
Næstu próf verða haldin:
Fullt verð (utan félagsmenn): 59.000 kr
RSÍ endurmenntun: 21.000 kr
Stórhöfða 27 - 110 Reykjavík - Sími: 540-0160 - rafmennt@rafmennt.is KT: 590104-2050