Stýringar - iðntölvur I

Lýsing námskeiðsins samkvæmt námskrá: MSTY4IT03(BA)

Á námskeiðinu er byggt ofaná þá þekkingu á iðntölvum og búnaði sem nemendur hafa öðlast. Viðfangsefnin eru gerð flæðirita við lausn stýriverkefna og færslu flæðirita í forrit. Þá er fjallað um stöðluð hliðræn merki og forritun þeirra, farið í reikniaðgerðir og forritun í tvíundarorðum. Flæðirit og forrit eru gerð eftir lýsingum, slegin inn og prófuð í iðntölvum tengdum hermum. Einnig eru gerð flæðirit og forrit þar sem fram koma bæði stafræn og hliðræn merki og þau prófuð í iðntölvum tengdum hermum.

 

Stýringar - ljósleiðarar

Lýsing námskeiðsins samkvæmt námskrá: MSTY4LJ01(BA)

Viðfangsefni námskeiðsins eru ljósleiðarar. Eftir nám á námskeiðinu eiga nemendur að geta tengt ljósleiðara við endabúnað, reiknað út orkutap sem verður á leið þeirra og lagningu þeirra með hámarksendingu í huga og lagt hann þannig að hann endist. Farið verður í mismunandi gerðir ljósleiðara og val m.t.t. nota við mismunandi aðstæður og við tengingar mismunandi búnaðar.

 

Forritanleg raflagnakerfi I

Lýsing námskeiðsins samkvæmt námskrá: MRAK4LH01

Á þessu námskeiði er lögð áhersla á að nemendur kynnist flóknari forritanlegum ljósa- og hússtjórnarkerfum, tilgangi þeirra og möguleikum. Farið er í möguleika forritanlegra raflagnakerfa við stýringu t.d. ljósa, gluggatjalda, hitastigs, loftræstinga, gluggaopnun, vöktun, skráningu og samskipti heimilistækja, síma-, tölvu- og öryggiskerfa. Þá er fjallað um lagnir og forritun þeirra. Nemendur æfa sig í að leggja lagnir og fá þjálfun í að tengja búnað og forrita kerfi, ganga frá þeim og leiðbeina öðrum um notkun þeirra. Þá eru gagnabankar framleiðenda og notkun þeirra kynnt.