Hugmyndaforritun með gervigreind

Villt þú að byggja eigið smáforrit (vefapp) með aðstoð gervigreindar – án þess að hafa áður skrifað eina línu af kóða.

Þú lærir að lýsa hugmynd í venjulegu máli, láta gervigreind byggja fyrstu útgáfu, prófa hana, bæta hana í skrefum og þróa verkefnið áfram frá fyrstu hugmynd að virku smáforriti.

Á þessu námskeiði lærir þú að byggja eigið smáforrit (vefapp) með aðstoð gervigreindar – án þess að hafa áður skrifað eina línu af kóða. Þú lærir að lýsa hugmynd í venjulegu máli, láta gervigreind byggja fyrstu útgáfu, prófa hana, bæta hana í skrefum og þróa verkefnið áfram frá fyrstu hugmynd að virku smáforriti.

Unnið er með Codex sem aðalverkfæri ásamt einfaldri verkefnamöppu þar sem öll gögn verkefnisins eru vistuð. Einnig er farið yfir grunnatriði GitHub-notkunar til að varðveita verkefnið og auðvelda áframhaldandi þróun eftir námskeiðið.

Þótt unnið sé með Codex byggir námskeiðið á vinnuaðferðum sem auðvelt er að yfirfæra á önnur sambærileg AI-þróunarverkfæri, svo sem Claude Code, Gemini CLI , Cursor og fleiri.

Hentar

Námskeiðið hentar öllum sem vilja nýta gervigreind til að breyta hugmynd í virkt smáforrit – óháð fyrri reynslu af forritun. Hvort sem verkefnið tengist starfi, áhugamáli eða persónulegri þörf, færð þú þekkingu og verkfæri til að þróa eigin hugmynd áfram.

Þú lærir

• Hvernig gervigreind (LLM) vinnur og hverjir styrkleikar hennar og takmarkanir eru

• Að byggja fyrstu útgáfu af smáforriti með gervigreind

• Að bæta og þróa forritið með markvissum leiðbeiningum (promptum)

• Að nota gervigreind við villuleit

• Að nota GitHub til að vista og halda utan um verkefnið

Fyrirkomulag

Námskeiðið er kennt í tveimur fjögurra klukkustunda lotum. Fyrst vinna allir með vel skilgreint verkefni sem byggt er upp skref fyrir skref. Að því loknu geta þátttakendur aðlagað lausnina að eigin hugmynd. Þannig öðlast allir raunhæfa lokaafurð sem hægt er að þróa áfram eftir námskeiðið.

Forkröfur

• Fartölva (Rafmennt getur útvegað fartölvu ef óskað er)

• Virkur Codex-aðgangur sem hefur verið prófaður fyrir námskeið

• GitHub-aðgangur

• Almenn tölvufærni

• Grunnþekking í ensku til að lesa leiðbeiningar og skilaboð frá gervigreind

Lokaafurð

Þú ferð heim með virkt smáforrit sem þú hefur sjálf/ur byggt, prófað og þróað með aðstoð gervigreindar – og veist hvernig þú getur haldið áfram að þróa það eftir námskeiðið.

Hvað er Hugmyndaforritun?

Hingað til hefur forritun yfirleitt krafist þess að læra tungumál tölvunnar. Hugmyndaforritun (e. Vibe Coding) er ný nálgun í hugbúnaðarþróun þar sem þú lýsir hugmynd í venjulegu máli og gervigreind sér um stóran hluta forritunarvinnunnar. Í stað þess að byrja á því að læra forritunarmál byrjar þú á hugmyndinni sjálfri og þróar hana áfram í samtali við gervigreind. Þessi nálgun gerir byrjendum kleift að byggja eigin forrit án fyrri reynslu, en nýtist jafnframt reyndum forriturum til að hraða þróun, prófun og endurbótum.

Dagskrá

Tvær lotur, 4 klukkustundir hvor — þú getur valið dag- eða kvöldnámskeið.

Dagnámskeið

Kvöldnámskeið