Að fara í starfsmannasamtal

Þetta hagnýta námskeið undirbýr þig fyrir starfsmannasamtal og hjálpar þér að nýta það til að hafa áhrif á eigið starf, samskipti og starfsþróun.

Farið er yfir tilgang og uppbyggingu starfsmannasamtala, undirbúning, samtalstækni, endurgjöf, markmið og eftirfylgni. Einnig er fjallað um hvernig ræða megi álag, streitu og stuðning í starfi á uppbyggilegan hátt.

Námskeiðið hentar öllu starfsfólki sem vill taka virkan þátt í starfsmannasamtali og stuðla að skýrum væntingum og markvissum umbótum.

Námskeiðið er á stafrænu formi í kennslukerfi Opna háskólans í HR og þátttakendur geta farið yfir efnið á eigin hraða.

Þetta undirbúningsnámskeið hjálpar þér að mæta vel undirbúin í starfsmannasamtal, taka virkan þátt og nýta samtalið til að hafa raunveruleg áhrif á eigið starf, samskipti og starfsþróun. Áhersla er lögð á að starfsmannasamtalið verði meira en gott spjall og leiði til skýrra væntinga og hagnýtra næstu skrefa.

Á námskeiðinu verður farið yfir

• Tilgang starfsmannasamtala

• Undirbúning starfsmannsins

• Uppbyggingu starfsmannasamtals

• Hvernig eigi að taka virkan þátt í samtalinu

• Endurgjöf

• Markmið og eftirfylgni

Um námskeiðið

Á þessu hagnýta námskeiði lærir þú hvernig þú undirbýrð þig fyrir starfsmannasamtal, tekur virkan þátt í samtalinu og kemur sjónarmiðum þínum á framfæri á faglegan og uppbyggilegan hátt. Farið er yfir tilgang og uppbyggingu starfsmannasamtala, samtalstækni, endurgjöf og eftirfylgni, með það að markmiði að samtalið nýtist bæði þér og yfirmanni þínum. Námskeiðið byggir á raunhæfum dæmum og tengir umræðuna við kenningar vinnusálfræðinnar um kröfur og úrræði, sem nýtast sérstaklega vel þegar rætt er um álag, streitu og stuðning í starfi.

Fyrir hverja er námskeiðið

Námskeiðið er ætlað starfsfólki sem er að fara í starfsmannasamtal, hvort sem það er fyrsta samtalið eða eitt af mörgum. Það hentar öllum sem vilja vera betur undirbúin, taka meira virkan þátt og nýta starfsmannasamtalið til að hafa áhrif á eigið starf og vinnuumhverfi.

Skipulagið

Námskeiðið er á stafrænu formi sem gerir þátttakendum kleift að fara yfir efnið á þeim tíma sem hentar þeim.

Efni námskeiðsins er aðgengilegt í gegnum kennslukerfi Opna háskólans í HR.

Hagnýtar upplýsingar

Flest stéttarfélög niðurgreiða hluta námskeiðsgjalda fyrir sína félagsmenn. Athugaðu hvort þú átt rétt á styrk til að sækja nám eða námskeið hjá þínu stéttarfélagi.