Tilboðsgerð í opinberum útboðum

Námskeiðið veitir hagnýta innsýn í opinbert útboðsferli frá auglýsingu til samningsgerðar, með áherslu á lestur og skilning útboðsgagna, hæfiskröfur og mismunandi matsforsendur.

Þátttakendur læra að greina lágmarkskröfur, forðast algeng mistök í tilboðsgerð og gagnaskilum, móta markvissar fyrirspurnir og bregðast við óskýrleika í skilmálum. Námskeiðið hentar þeim sem koma að gerð tilboða í útboðum og vilja auka líkur á gildum og samkeppnishæfum tilboðum.

Námskeiðslýsing

Námskeiðið veitir hagnýta innsýn í opinbert útboðsferli frá auglýsingu til samningsgerðar, með áherslu á lestur og skilning útboðsgagna, hæfiskröfur og mismunandi matsforsendur. Þátttakendur læra að greina lágmarkskröfur, forðast algeng mistök í tilboðsgerð og gagnaskilum, móta markvissar fyrirspurnir og bregðast við óskýrleika í skilmálum. Námskeiðið hentar þeim sem koma að gerð tilboða í útboðum og vilja auka líkur á gildum og samkeppnishæfum tilboðum.

Þekkingarviðmið

• Skilja og þekkja almennt útboðsferli, frá auglýsingu til samnings

• Kunna að lesa í hæfiskröfur og hvernig þær eru uppfylltar

• Greina útboðsgögn með tilliti til lágmarkskrafna til tilboða

• Greina samkeppnina og lesa í tilboð annarra aðila

• Skilja mismunandi matslíkön ef verð er ekki eina matsatriðið

• Læra að forðast algeng mistök bæði við tilboðsgerð og gagnaskil

• Koma auga á óskýrleika í skilmálum og hvernig á að bregðast við þeim

• Formun fyrirspurna á fyrirspurnarfresti

Leikniviðmið

• Rakið og útskýrt helstu skref í opinberu útboðsferli, frá auglýsingu útboðs til samningsgerðar.

• Lesið og túlkað hæfiskröfur útboðsgagna og metið hvort og hvernig fyrirtæki uppfyllir þær.

• Greint útboðsgögn með sérstakri áherslu á lágmarkskröfur, útilokunarskilyrði og kröfur til tilboða.

• Metið samkeppnisstöðu sína, greint líklega samkeppnisaðila og lesið í niðurstöður og uppbyggingu tilboða annarra aðila að útboði loknu.

• Skilið mismunandi matslíkön, þar sem fleiri þættir en verð ráða vali tilboðs, svo sem gæði, afhendingartími og mannauður.

• Forðast algeng mistök í tilboðsgerð og gagnaskilum

• Greint óskýrleika, mótsagnir eða áhættu í skilmálum útboða og metið viðeigandi viðbrögð.

• Mótað skýrar og markvissar fyrirspurnir á fyrirspurnarfresti útboða.

Upplýsingar

Þátttakendur komi með fartölvur á námskeiðið og jafnvel útboðslýsingar sem þeir hafa áskotnast frá eldri verkefnum.

Námsmat

Námskeiðinu líkur með stuttu verkefni sem metið er til einkunnar.