Raflagnatækni
Farið er yfir skyldur/réttindi rafverktaka ásamt lýsingartækni og notkun ákvæðisvinnu.
Lýsing
Kjarnanámskeið í Meistaraskóla rafvirkja/Meistaraskóla rafeindavirkja
Raflagnatækni MRAT4MS02 - 2 einingar
Viðfangsefni áfangans er um löggildingu rafverktaka, hvaða skyldur/ réttindi fylgja löggildingu og allt um lýsingu og ákvæðisvinnu.
Nánari lýsing
Viðfangsefni áfangans er um löggildingu rafverktaka, hvaða skyldur og réttindi fylgja löggildingu, hvaða verk eru tilkynningarskyld. Farið verður yfir rafmagnsöryggisgáttina og hvernig hún virkar, fyrir rafverktaka, rafveitur og skoðunarstofur. Nemendum verður kennt að hvernig er óskað eftir þjónustu frá rafveitum og hvernig þeir senda inn lokatilkynningar til HMS. Farið verður yfir ferlið við skoðanir á tilkynntum verkum, hvaða réttindi rafverktakarnir hafa gagnvart skoðunarstofum og HMS ásamt því hvernig skuli bregðast við athugasemdum á þeirra verkum, andmæli og úrlausnir. Að lokum verður farið yfir mælingar í neysluveitum, hver tilgangur þeirra er og hvaða aðstæður geti kallað á aðgerðir og/eða tilkynningar til dreifiveitu eða HMS ásamt spurningum frá nemendum.
Þá er fjallað um hina ýmsu ljósgjafa og tengingu þeirra og nemendur bæta þekkingu sína í lýsingartækni. Farið er m.a yfir helstu viðfangsefni lýsingarfræðinnar svo sem hugtökin og fræðin á bak við litarhitastig, litarendurgjöf, ljósmagn, glýju og ljóstækni verða rædd og áhersla verður lögð á að sýna hvernig LED ljósgjafinn hefur breytt hvernig hönnuðir, verktakar og framleiðendur vinna með ljósgjafa. Gömlu hefðbundnu ljósgjafarnir bornir saman við LED og farið í praktísk atriði eins og skynjun á ljósi í rými, efnisnotkun og endurkast. Hverju þarf að huga að þegar lýsing er hönnuð í ákveðin rými og hvað þarf að hafa í huga við sölu og uppsetningu ljósbúnaðar.
Nemendur læra að taka saman vinnu og efniskostnað verka með því að nota vef Ákvæðisvinnustofu rafiðna, þar sem einingarverð eru til fyrir vinnuliði nýlagna og hægt er að gera uppgjör ásamt efnislið. Ákvæðisvinnugrunnur er fyrir fram ákveðin tími fyrir ákveðið handverk, eins og að setja upp ljós , setja upp lagnaleiðir, tengja raflagnabúnað o.sv.frv.
Úr verður listi með tímaeiningum þar sem hægt er að telja einingafjölda fyrir unnin verk og margfalda með einingarverði sveina samkvæmt kjarasamning, til þess að sjá útkomu kostnaðar á verki.
Hópar og dagsetningar
Engir hópar eru opnir fyrir skráningu í augnablikinu. Skráðu netfangið þitt og við sendum þér póst þegar hópur opnar.
Verðskrá
Í umsóknarferlinu birtist RSÍ endurmenntunarverð. Áður en þú sendir inn umsóknina merkirðu við hvort þú tilheyrir öðrum verðflokki og verðinu er breytt handvirkt í innrituninni.
| Fullt verð | 72.000 kr. |
|---|---|
| SART | 61.200 kr. |
| Er í meistaraskóla | 14.400 kr. |
Hagnýtar upplýsingar
- Afbókun
- Ef skráður þátttakandi hættir við að sitja námskeið þarf að tilkynna það skriflega í tölvupósti á rafmennt@rafmennt.is a.m.k. 48 klst. áður en námskeið hefst. Rafmennt áskilur sér rétt til að innheimta 3.000 kr. umsýslugjald.
- Staðsetning
- Námskeið Rafmenntar fara fram að Stórhöfða 27, 110 Reykjavík nema annað sé tekið fram við hópinn.
- Spurningar?
- Hringdu í síma 540 0160 eða sendu póst á rafmennt@rafmennt.is.
Opið Mán–Fös 8:00–12:00 & 13:00–16:00.
Hafa samband →


