Cisco Certified Network Associate - CCNA

Undirbúningur fyrir CCNA 200-301 vottunina frá Cisco — grunnhugtök netkerfa, IP-þjónusta, öryggi, sjálfvirkni og forritun.

Um námskeiðið

CCNA námskeiðið er hannað til að veita þátttakendum þekkingu og færni tengda grunnhugtökum netkerfa, aðgengi að netkerfum, IP-þjónustum, grundvallaratriðum er varðar öryggi, sjálfvirkni og forritun þeirra. Þetta námskeið hjálpar einnig þátttakendum að undirbúa sig fyrir CCNA 200-301 prófið ásamt því að öðlast nauðsynlega þekkingu og færni til að geta skipulagt, hannað, stillt, hámarkað og leyst úr algengum tengivandamálum netkerfa tengdum TCP/IP, DNS, DHCP, STP, HSRP, IP-samskiptareglum eins og RIPv2, OSPF, EIGRP og BGP. Enn fremur styður þetta námskeið kennara og leiðbeinendur í kennslu á námsefni CCNA námskrárinnar. Námið er líka undirbúningur fyrir próf í 200-301 CCNA – Cisco Certified Network Associate fyrir þau sem hafa áhuga á að ná þeirri gráðu.

Það sem þú munt læra

• Grunnatriði netkerfa: Lærir um OSI- og TCP/IP-líkönin, IPv4, IPv6, IP-töluúthlutun og undirnet (subnet).

• Cisco búnaður: Kynnist notkun á Cisco beinum (router) og skiptum (switch) og lærir að stilla þessi tæki fyrir skilvirka netnotkun.

• Beinar (router): Lærir um stillingar og virkni helstu rútunar-ferla eins og RIP, EIGRP og OSPF.

• Skiptar (switch): Skilja VLAN, trönk, spanning-tree samskiptareglur (STP), Layer 2 skipta og fleira.

• Öryggi netkerfa: Innleiða grunnöryggisráðstafanir, þar á meðal ACLs, til að vernda netkerfi.

• Víðnet (WAN): Lærir að stilla og stýra WAN-tengingum, þar á meðal með PPP, xDSL og VPN.

• Greining vandamála: Kynnist notkun greiningartóla til að leysa vandamál með beinum og skiptum í litlum til meðalstórum netkerfum.

• Uppsetning: Hvernig skal setja upp grunnþjónustur fyrir net, eins og DHCP, NAT og VPN.

Markmið

• Nemendur munu að loknu námskeiði þekkja og skilja uppbyggingu netkerfa og þau tæki og hugbúnað sem notaður er

• Nýta sér undirnettækni (subnetting) bæði á IPv4 og IPv6 netkerfum

• Þekkja og skilgreina helstu samskiptastaðla, með áherslu á TCP og UDP

• Hafa skilning á Layer-2 skiptum, sýndarnetum (VLAN), broadcast

• Skilja rútunar-ferla

• Bilanagreina einföld netkerfi

• Setja upp grunnþjónustur í netkerfi

• Setja upp beina og skipta með Cisco IOS-stýrikerfinu

• Nýta sér aðgengis-lista (access-list) til að stjórna netumferð

Fyrir hverja er námskeiðið

• Fagaðila í netkerfum sem vilja fá CCNA vottun

• Byrjendur sem vilja öðlast víðtæka þekkingu á uppbyggingu tölvukerfa

• Nemendur í upplýsingatækni og byrjendur sem eru spenntir fyrir því að byggja upp starfsferil í netrekstri

• Kerfisstjóra og sérfræðinga sem leita að dýpri skilningi á Cisco netkerfum

Forkröfur

• Þekking að ígildi CompTIA Network+

• Grunnskilningur á netkerfishugtökum (t.d. IP-töluúthlutun, undirnet)

• Ekki er krafist fyrri reynslu af Cisco búnaði

Kennsluaðferðir og kennari

Kennslan samanstendur af fyrirlestrum og verklegum æfingum í Cisco Networking Academy. Kennslustundir verða teknar upp, þátttakendum gefst því kostur að rifja upp tíma, horfa á fyrirlestra sem þeir hafa misst af og jafnvel tekið hluta eða allt námið í fjarkennslu.

Meðal námsgagna sem nemendur fá afhent er bókin „CCNA 200-301 Official Cert Guide Library" eftir Wendell Odom, gefin út af Cisco Press.

Kennari er Abdelaziz Ghazal, viðurkenndur Cisco System Instructor. Abdelaziz er með eftirfarandi gráður frá Cisco: CCNA, CCNA Security, CCNP og Cisco Certified Internetworking Expert (CCIE).

Aðrar upplýsingar

Athygli er vakin á því að stefnt er á námskeið í CCNP á vorönn 2026.

Cisco CCNA 200-301 gráðan fæst með því að standast próf frá Cisco. Hægt er að taka próf í hverri viku hjá viðurkenndum prófstöðvum.

Dagskrá

10. febrúar – 5. mars: þriðjudagar kl. 08:00–12:00 og miðvikudagar kl. 13:00–17:00. 12. mars – 4. júní: fimmtudagar kl. 08:00–12:00.