Fagnámskeið

Námskeiðið samanstendur af þremur hlutum, farið er í lýsingatækni, öryggistjórnurnarkerfi rafverktaka og úttekt eigin verka. Í þriðja hlutanum er farið í verðmyndun útseldrar vinnu, ákvæðisvinnugrundvöllinn og gerð útboða.
3 Dagar
04.04.2019
Á námskeiðinu er farið yfir gerð og virkni ljósleiðara og helstu atriði er varða meðhöndlun, tengingu og lagningu hans. Fjallað er um helstu staðla, mæliaðferðir og útreikning á ljósleiðaralögnum. Þátttakendur tengja og ganga frá ljósleiðara í þar til gerðan búnað.
2 Dagar
05.04.2019
Farið yfir ákvæði gildandi reglugerða varðandi vinnu við raforkuvirki og túlkun þeirra. Sérstaklega er farið í gildandi verklagsreglur Mannvirkjastofnunar, þar sem orðsending 1/84, VRL 1 og VRL 2 vega þungt, ásamt viðeigandi ákvæðum í ÍST 170. Farið er yfir hvernig staðið er að uppbyggingu og afnámi öryggisráðstafana og vinnu við rekstrareiningu í raforkukerfinu í samræmi við framangreind skjöl. Jafnframt er farið yfir ábyrgðir, framkvæmd og samræmd vinnubrögð við rof og undirbúning vinnu við kerfishluta eða rekstrareiningar í raforkukerfum.
1 Dagur
08.04.2019
Námskeið um ÍST 151 staðalinn sem fjallar um fjarkiptalagnir heimilannna, þ.m.t. sjónvarp, Internet, síma. Staðallinn skilgreinir hvernig ganga skal frá lögnum, þær mældar og niðurstöður skráðar í mælingarskýrslu. Á þessu námskeiði er staðallinn kynntur og unnin verkefni til skýringar.
2 Dagar
11.04.2019
Farið yfir grundvallaruppbyggingu , eiginleika og hlutverk einstakra íhluta kælikerfa. Þá er fjallað um mismunandi kælimiðla og mengunarhættu sem af þeim getur stafað. Farið yfir reglugerðir um kælitæki og efni sem notuð eru í kælitæki.
3 Dagar
12.04.2019
Námskeið sem fjallar um öryggis- og brunafræði, reglur um brunaviðvörunarkerfi, íhluta brunaviðvörunarkerfa ásamt uppsetningu og viðhaldi slíkra kerfa.
3 Dagar
02.05.2019
Kynnt reglugerð og staðlar sem fjalla um veitukerfi, einnig tæknilegir tengiskilmálar. Fjallað um orkuflutning, álagsstrauma, spennuföll og afltöp í veitukerfum. Útskýrð myndun og áhrif yfirstrauma, bilanastrauma og snertispennu. Fjallað um hinar ýmsu varnarráðstafanir.
3 Dagar
02.05.2019
Farið er í uppbyggingar og virkni á nokkrum gerðum á skynjurum eins og málmskynjurum, fótóselluskynjurum, hljóðbylgjuskynjurum og öryggisskynjurum.
1 Dagur
06.05.2019
Farið er í uppbyggingu og notkunarmöguleika mælitækja í rafeindatækni. Þátttakendur gera ýmsar mælingar með fjölsviðsmælum og sveiflusjá og vinna verkefni með sveifluvökum (generatorum), tíðniteljurum og stafrænum sveiflusjám
3 Dagar
09.05.2019
Farið er yfir helstu atriði byggingarreglugerðar er snerta störf rafiðnaðarmanna og lagnaleiðir í mannvirkjum. Farið er yfir uppbyggingu innra öryggsstjórnunarkerfis rafverktaka, farið yfir helstu þætti við úttektir og mælingar og þær mælingar framkvæmdar sem nauðsynlegar eru. Farið er í undirstöðuatriði í lýsingartækni og almenn hugtök sem við kemur lýsingarfræðum. Einnig er farið í lýsingarhönnun þar sem nemendur kynnanst lýsingarhönnunarforritinu Dialux.
3 Dagar
09.05.2019
Á námskeiðinu er farið í hugbúnað sem gerir kleift að nota PC tölvuna sem eftirlits og stjórnstöð við iðnstýringar. Þátttakendur gera skjámyndir sem sýna feril vélastýringa á myndrænan hátt og tengja saman iðnstýringu og PC tölvu.
3 Dagar
09.05.2019
Farið verður í uppbyggingu stafrænna eftirlitsmyndavélakerfa, þjöppunarstaða, upplausn myndavéla, gagnastærðir og myndflögur. Kynnt verður tenging við stafrænan netlægan upptökubúnað. Val og uppbygging á geymslumiðlum. Myndgreining og myndgreiningarhugbúnaður. Yfirlit og dæmi um notkun.
1 Dagur
10.05.2019
Farið yfir skoðunarferli og gerðir neysluveitna, hvað þarf að skoða, hvaða mælingar þarf að gera og hvernig fylla á út viðeigandi eyðublöð. Þátttakendur leysa skrifleg verkefni og gera viðeigandi mælingar.
1 Dagur
11.05.2019