Góð líkamsbeiting

Flokkur: Almenn námskeið

Fjarnámskeið í samstarfi við Iðuna

Fjarkennsla á Microsoft Teams

Efni námskeiðsins er fræðsla um líkamsbeitingu við alla vinnu – hvort sem unnið er sitjandi, standandi eða við það að lyfta byrðum.Farið er yfir álagsþætti og álagseinkenni við mismunandi vinnuaðstæður og m.a.fjallað um mikilvægi þess að gera stöðuvinnu að hreyfivinnu.

Áhrif vinnuumhverfis á líkamsbeitingu er skoðuð og hvernig hagræða þarf vinnuumhverfinu þannig að komist verði hjá álagseinkennum og einhæfum vinnustellingum.Áhersla er lögð á að kenna góðar setstöður og líkamsbeitingu við standandi vinnu, mikilvægi þess að geta gert hvorutveggja í vinnutímanum og hvernig best er að hagræða vinnu til þess að svo megi verða.Þá verður rætt um einhæfa álagsvinnu og það að lyfta þungum byrðum.

Farið yfir mismunandi aðferðir við að beita sér við þá vinnu og mikilvægi þess að breyta um líkamsstöður og auka hreyfingu í vinnu.

Kennari: Leiðbeinendur Vinnueftirlitsins

 

Fullt verð 15,400
RSÍ endurmenntun 5,250

Samkomulagið gerir það að verkum að hægt er að bjóða félagsmönnum sem greiða í endurmenntunarsjóð námskeiðið á 65% afslætti

Heiti námskeiðs Dags Tími Kennarar Staðsetning RSÍ endurmenntun Skráning