Grunnnámskeið vinnuvéla

Flokkur: Endurmenntun

Stefnt er að því að halda próf einu sinni í mánuði

Próf á dagskrá 30. sept, 28. október, 25. nóvember, 16. desember

 

Hægt er að skrá sig á námskeiðið og hefja nám hvenær sem er frá þeim degi. Þátttakendur geta lagt stund á námið á sínum hraða og þannig hentar námskeiðið vel með vinnu. Ljúka þarf námskeiðinu innan tveggja mánaða eftir að skráning hefur borist, en reikna má með að það taki í það minnsta 10-12 daga að lágmarki.

Grunnnámskeið vinnuvéla veitir bókleg réttindi á allar stærðir og gerðir vinnuvéla sem eru réttindaskyldar auk brúkrana sem eru ekki réttindaskyldir.  

Til að geta tekið námskeiðið verður viðkomandi að vera orðinn 16 ára.

Til að geta fengið fullgild vinnuvélaréttindi verður að vera orðinn 17 ára og hafa bílpróf.

Námið fer að lang mestu leyti fram á netinu í gagnvirku námi. Náminu lýkur með upprifjun og krossaprófi sem fer fram í kennslustofu á vegum Vinnuverndarskóla Íslands. 

Námskeiðið fylgir námsskrá frá Vinnueftirliti ríkisins. Nemandi horfir á fyrirlestra, les ítarefni, horfir á myndbönd og leysir verkefni. Það er hægt að horfa á hvern hluta eins oft og hver vill. Þátttakendur þurfa reglulega að standst krossapróf til að komast áfram í náminu.

Að námskeiðinu loknu geta þátttakendur hafið verklegt nám á allar gerðir réttindaskyldra vinnuvéla undir leiðsögn leiðbeinanda sem hefur kennsluréttindi. Þegar verklegri þjálfun er lokið er óskað eftir prófdómara frá Vinnueftirlitinu. Öll verkleg þjálfun og verkleg próf fara fram á vinnustöðum nemanda.

Uppbygging námskeiðsins:

    Kynning

  1. Lög, reglur og reglugerðir
  2. Vinnuverndarstarf og öryggismál
  3. Hávaði, lýsing og hættuleg efni
  4. Félagslegur og andlegur aðbúnaður, einelti og áreitni
  5. Eðlisfræði, vökvafræði, ásláttarbúnaður, hífivírar, stöðugleiki og flutningur vinnuvéla
  6. Vélfræði, rafgeymar og hleðsluklefar fyrir rafgeyma
  7. Lyftarar og lyftitæki í skráningarflokkum J og K, meðferð á vörubrettum og vörum
  8. Jarðvinnuvélar í skráningarflokkum E, F, G, H, I og öryggi við skurðgröft
  9. Kranar: Byggingakranar A, hleðslukranar, vökvakranar og grindarbómukranar B og hleðslukranar P, brúkranar C, steypudælukranar og körfukranar D, fjarstýringar krana, vírar í krönum, að hífa fólk með krana og merkjakerfi fyrir kranastjórn
  10. 10.  Útlagningarvélar, fræsarar og valtarar í skráningarflokkum L og M

    Upprifjun og próf á Stórhöfða 27.

 

Fullt verð 63.000 kr 
RSÍ endurmenntunarverð 17.500 kr

 Í umsóknarferlinu birtist RSÍ endurmenntunarverð námskeiða.

 

Heiti námskeiðs Dags Tími Kennarar Staðsetning RSÍ endurmenntun Skráning
Grunnnámskeið vinnuvéla 26. okt - 16. des 16:00 - 18:00 Fjarnám / Stórhöfði 27 17.500 kr. Skráning